ملا فضل اللہ دو ہزار دہشت گردوں کے ساتھ افغانستان میں موجود ہے

مہرخبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں سرگرم طالبان دہشت گرد تنظیم کے رہنما ملافضل اللہ دو ہزار دہشت گردوں کے ساتھ افغانستان میں موجود ہیں اور امریکہ اس کے خلاف کوئی کارروائی نہیں کرتا۔ پاکستانی ذرائع کے مطابق دہشت گرد واقعات میں ملوث 20 محفوظ پناہ گاہوں میں چھپے ہوئے ہیں،یہ محفوظ پناہ گاہیں نورستان اور کنڑ کے اضلاع میں قائم ہیں جبکہ کمدیش، ناری،دمگام،غازی آباد میں بھی دہشت گردوں کی پناہ گا ہیں موجود ہیں۔فضل اللہ اور اسکے دہشت گرد 2 سال سے وہاں پناہ لیے ہوئے ہیں،دہشت گرد ننگرہارکے اضلاع میں بھی اپنے ٹھکانے استعمال کررہے ہیں،پاکستان کی جانب سے فضل اللہ کا معاملہ مختلف مواقعوں پربھی اٹھایا جاچکا ہے۔پاکستان کےوزیر داخلہ رحمان ملک نے حالیہ دورہ امریکہ میں بھی یہ معاملہ اٹھایا اور وزیرخارجہ حنا ربانی بھی یہ معاملہ امریکی نمائندے مارک گراسمین کے سامنے اٹھا چکی ہیں۔